"အထူးတလည် ချိန်ရွယ်နေဖို့ မလိုအပ်လောက်အောင် ပစ်မှတ်ဟာ ထင်ရှားတယ်"
ကိုယ့်ဘာသာစကားနဲ့ကိုယ်၊ ဆက်သွယ်မှုကို ဧရိယာပြင်ပ ကန်ထုတ်ပစ်လိုက်တယ်
လူတစ်ချို့နဲ့ စကားမပြောဖြစ်တော့ဘူး၊ လူတစ်ချို့နဲ့ စကားပြော မဖြစ်တော့ဘူး
လူ့ယဉ်ကျေးတို့ရဲ့ ရယ်သံတွေကြားမှာ မောမောနေရတာ
စိတ်ခံစားမှုပါမလာတဲ့ စာသားတွေနဲ့ ဆက်သွယ်ရတာကို စိတ်ကုန်တယ်
ကိုယ်ရည်သွေးသံတွေ ရွံစရာ ကိုယ်သွေးနေတဲ့ဓားမှာ ကိုယ့်ရဲ့သွေးတွေ စိုစွတ်ဆဲ
ယုံကြည်မှုတွေ ပြုန်းတီးလာ၊ ယုံကြည်မှုတွေ တိမ်ကောလာ၊ ယုံကြည်မှုတွေ မျိုးသုဉ်းလာ
ယုံကြည်မှု ထိန်းသိမ်းရေး၊ ယုံကြည်မှု ကာကွယ်စောင့်ရှောက်ရေး၊ ယုံကြည်မှု ပြန်လည်ရှင်သန်ရေး
စာမျက်နှာ အစ အဆုံး နာမည် တစ်လုံးတည်းကိုပဲ အကြိမ်ကြိမ် ထပ်ရေးနေမိတယ်
မနက်ဖြန်ဟာ ဘယ်တော့မှမသေဘူးဆိုတာ အလှပဆုံး ဒုက္ခသစ္စာပေါ့
ကုန်ပစ္စည်းတွေလို လှောင်ထားပါ၊ ဈေးကောင်းရမှ ထုတ်ရောင်းပါ
တံဆိပ်ကိုယ်စီကပ်ပြီးသွားချိန်မှာ ကိုယ်တို့ဟာ တန်ဖိုးကျဆင်းသွားမှာပဲ
ယုံယုံကြည်ကြည် ဆုပ်ကိုင်ထားသမျှ အားလုံးကိုလွှတ်ချလိုက်ရတဲ့ လွတ်မြောက်ခြင်း
သတင်းကြေငြာသူလေးရဲ့ ခံစားမှုကင်းမဲ့နေတဲ့ အသံတွေက ကိုယ့်အာရုံကို ထိုးခွဲသွားတယ်
အနက်အဓိပ္ပါယ် အသိမ်းခံလိုက်ရတဲ့ အနက်ရောင် အဓိပ္ပါယ်များ ဦးတည်ရာမဲ့ ကစဥ့်ကလျား
ကျွန်တော်တို့ကို အဓိပ္ပါယ်များ ပြန်လည် အသုံးပြုခွင့်ပေးအပ်စေလိုကြောင်း အရေးဆိုကြမယ်
အမြင်အာရုံတွေ ချို့တဲ့လာတယ်၊ ရှင်သန်မှုဟာ စောင့်ကြည့်ခံနေရတဲ့ အနေအထား
ခေါ်သံလေးတွေဟာ မိုင်ပေါင်းများစွာကို ဖြတ်ကျော်မသွားနိုင်ကြဘူး
လမ်းမီးတွေ အချိန်ပြည့် လင်းနေလိုက်ကြတာ၊ ကိုယ် ဘာကိုမှ မမြင်နိုင်လောက်အောင်ပါပဲ
အဲယားကွန်းကနေ ရေကျနေတဲ့ အသံ တောက်.....တာက်.....တောက်.....တောက်.....တောက်.....
သက်ကယ်အမိုး တံစက်မြိတ်လေးအောက်တည့်တည့်မှာ အမေစိုက်ထားတဲ့ ပန်းအိုးလေး အရွေ့ခံခဲ့ရတယ်
မကြားနိုင်ဘူးဆိုတာသိပေမယ့် အော်ခေါ်ပစ်လိုက်ချင်တဲ့စိတ်က ခေါက်ထားလို့မှမရတာ
ကိုယ်တို့ဟာ Click တစ်ချက်နှိပ်ရုံ ကွာဝေးတယ်။
လင်းဝေအိမ်(၀၅-၀၃-၂၀၁၃)
