06 January 2015

" ကျောပိုးအိတ်ကြီး "

" ကျောပိုးအိတ်ကြီး "

ကျောပိုးအိတ်ထဲ ထည့်လွယ်လာတဲ့ နာမည်ကို
လူတွေ့တိုင်း ထုတ်ထုတ်မပြချင်တာနဲ့
နာမည်ဟာ ကျောပိုးအိတ်ထဲမှာပဲ ပိတ်လှောင်
မွန်းကြပ်နေရင်း အသက်အရွယ်ရလာတယ်။
ကျောပိုးအိတ်ကြီးကိုတော့ လွယ်ထားတုန်းပဲ။
ဘယ်သွားသွား ကျောပိုးအိတ်ကြီး ပါတယ်။
ကျောပိုးအိတ်ကြီးထဲမှာ နာမည်ပါတယ်။
လူတွေ့တိုင်း ထုတ်မပြဖြစ်တာကလွဲရင်
နာမည်ဟာ ကျောပိုးအိတ်ကြီးထဲမှာ
ပိတ်မိနေတုန်းပဲ။ ကျောပိုးအိတ်ထဲမှာ
ပိတ်မိနေတာကလွဲရင် နာမည်ဟာ
နေရာဒေသ အများကြီးကို ရောက်တယ်။
နာမည်က တစတစကြီးထွားလာတာနဲ့အမျှ
ကျောပိုးအိတ်ကြီးက လေးလေးလာတယ်။
လွယ်တော့ လွယ်ထားတုန်းပဲ။ နာမည်က
ကျောပိုးအိတ်ရဲ့ အကျယ်အ၀န်းထက် ပိုကြီးလို့မရ။
ကျောပိုးအိတ်ကြီးကို မဖွင့်သရွေ့ နာမည်ဟာ
လူမသိ သူမသိ ကြီးနေရ။ သွားလေရာ
ကျောပိုးအိတ်ကြီးကို လွယ်လွယ်သွားနေတော့
ကျောပိုးအိတ်ကြီးနဲ့ အတူ နာမည်လည်း ရွေ့နေ။
နာမည်နဲ့အတူ ကျောပိုးအိတ်ကြီးလည်း တရွေ့ရွေ့။ ။

လင်းဝေအိမ် (၀၆-၀၇-၂၀၁၄)