"အိပ်မက်ထဲမှာ ညဟာ အိပ်မပျော်လက်စကြီးနဲ့"
ကိုးကွယ်ခြင်းခံရသူနဲ့ ကိုးကွယ်ကြသူတွေရဲ့ လက်ထဲမှာ
ဘာသာတရားဟာ ဗုံးတစ်လုံးဖြစ်သွားရခြင်းရဲ့ အပိုင်းအစများ
တိုက်လေယာဉ်ကပျက်ကျသွားပေမယ့် တိုက်ချင်ခိုက်ချင်တဲ့စိတ်က
လေထီးနဲ့ခုန်ချလွတ်မြောက်သွားတယ်
ကြိုးတွေကို လွှတ်လိုက် သီချင်းတွေကို ဖြည်လိုက်
လူမိုက်တွေနဲ့ မှောင်နေတဲ့မြို့မှာ အကုသိုလ်ကောင်ကြီးဟာ
အကောင်လိုက်မမြင်မတွေ့ရပေမယ့် အကောင်ပဲ
မြက်တွေပေါ်မှာ စွန်းထင်းနေတဲ့ သွေးစက်တွေ
အမြတ်အစွန်းတခုခုဆီက လွင့် စင် ထွက် လာ
သိုးတွေဟာ အဖြူ အမည်း မသဲကွဲတော့ဘူး
ကွယ်လွန်သူပန်းချီဆရာရဲ့ ဆွဲလက်စ အပြာရောင်ပန်းချီကားပေါ်မှာ
အနက်ရောင်တွေကို တ၀က်တိတိ လွှင့်ထူထားလိုက်တယ်
မေးခွန်းတွေ အရှိန်နဲ့ တလိမ့်လိမ့် စီးဝင်လာနေတယ်
မသိကိန်းတွေ အဟုန်နဲ့ တဝေါဝေါ ပြေးဝင်လာနေတယ်
သားကောင်တွေကိုယ်တိုင် ကမ္ဘာကြီးကို မီးလောင်တိုက်သွင်း
ချနင်းစရာမရှိတော့တဲ့အခါ အပူဟာ အဖြူအမည်း မခွဲဘူး
အချိန်မရွေး ပြတ်ကျလာနိုင်တဲ့ ဓာတ်ကြိုးတွေအောက်မှာ
အသက်ကို ဈေးဗန်းထဲမှာ ဖက်နဲ့ထုပ်ပြီး ရောင်းနေကြရ
ဟောဒီက ဘ၀တွေ ဘ၀တွေ၊ ဘဘတို့ကတော့ ၀၀လင်လင်ပါ
ဘရိတ်ပေါက်လာတဲ့ကားတစ်စီးက တစ်ဘ၀ပြီး တစ်ဘ၀
ဆင့်တိုက်ပြီး နင်းချေသွားတယ်၊ မျက်ရည်တွေ ရဲနေတာပဲ
ခေတ်ပျက်ကြီးရဲ့ ခပ်ပျစ်ပျစ်ဖျော်ထားတဲ့ နွားနို့ခွက်ထဲ
သေနေတဲ့ ယင်ကောင်တွေ အမျိုး အမည် စုံစုံ လင်လင်
လမ်းကိုကူးမလို့ စောင့်နေတုန်းမှာပဲ လမ်းဟာပျက်သွား
တောင်ကိုကျော်မလို့ စောင့်နေတုန်းမှာပဲ တောင်ဟာပျောက်သွား
မြစ်ကိုဖြတ်မလို့ စောင့်နေတုန်းမှာပဲ မြစ်ဟာ ခန်းသွား
"မိဘပြည်သူများ ခင်ဗျာ ........................."
ဘယ်ကမှန်းမသိတဲ့ လူအုပ်ကြီးကိုရှာဖို့ ကဗျာကတော့ ပြေးထွက်သွားပြီ
ကဗျာရေးသူက သမ္မတကြီးရဲ့ မိန့်ခွန်းကို နားထောင်မလို့ ကျန်နေရစ်တယ်။ ။
လင်းဝေအိမ်
No comments:
Post a Comment