12 April 2012
"လမ်းခွဲ"
ထွက်ခွာရတော့မယ့် ရထားတစ်စင်းက ဘူတာလေးငိုနေတာကိုထိုင်ချော့တယ်
ဆံစလေးတွေ လေထဲတ၀ဲဝဲလွင့်နေသလို ဘာကိုမှ
ဆုပ်ကိုင်ခွင့်မရတော့တဲ့ ဥသြဆွဲသံများ
ပိတောက်ပင်ပေါ်မှာ ငှက်ကလေးတစ်ကောင်တည်းနားနေရစ်ပေါ့
နှုတ်ဆက်လိုက်ပါပြီ ညီမလေး
သတိရစိတ်ကတော့ ဘယ်ကျမ်းစာပဲရွတ်ရွတ်မကျွတ်နိုင်တဲ့တစ္ဆေတစ်ကောင်ပါလေ
ရင်ဘတ်တစ်ခုလုံးလောင်သွားမှတော့ ခြေဖျားလက်များလေးတွေကို ငြိမ်းသတ်မနေတော့ပါဘူး
ပိတောက်တွေဖူးရင်
ငါ့ကို သတိမရပါနဲ့ကွယ်
ငါတို့ ဘယ်တော့မှမပွင့်နိုင်တော့ဘူး..။
လင်းဝေအိမ်(၂၂-၀၃-၂၀၁၂)့
( ဒီကဗျာကို ဧပြီလထုတ် ခရမ်းရိပ်အနုပညာမဂ္ဂဇင်းမှာ ဖော်ပြထားပါတယ်။
ခရမ်းရိပ်အနုပညာမဂ္ဂဇင်းကို ဒီမှာသွားဖတ်နိုင်ပါတယ် ။)
Subscribe to:
Post Comments (Atom)
No comments:
Post a Comment